1. deildin: Botnliðið rústaði toppliðinu

Leiknir vann sinn fyrsta sigur á tímabilinu í gær er liðið lagði topplið Selfoss á heimavelli í gær, 4-0.

Leiknir var í botnsæti deildarinnar fyrir leikinn en er nú í 10. sæti. Selfoss er þó enn í efsta sætinu með þriggja stiga forystu á Hauka og Fjarðabyggð.

Haukar töpuðu fyrir ÍR-ingum á heimavelli en Fjarðabyggð vann 3-2 sigur á HK.

Fjögur lið - Þór, Leiknir, Afturelding og Víkingur frá Ólafsvík - eru jöfn á botni deildarinnar með sex stig.

Úrslitin:

Fjarðabyggð - HK 3-2

Þór - Víkingur Ó. 3-2

ÍA - KA 1-1

Haukar - ÍR 1-3

Leiknir - Selfoss 4-0

Afturelding - Víkingur R. 2-2