Umfjöllun: FH-ingar unnu sinn tólfta sigur í sumar - með 13 stiga forskot

FH-ingar náðu þrettán stiga forskoti í Pepsi-deild karla eftir 2-1 sigur á Breiðabliki í kvöld. Tryggvi Guðmundsson tryggði FH sigurinn með hægri fæti.

Heimamenn í FH léku frábæran fótbolta fyrstu 35 mínútur leiksins þar sem boltinn gekk hratt manna á milli. Blikar voru ekki með í leiknum en þegar tíu mínútur voru til leikhlés snérist leikurinn.

Blikar tóku öll völd á vellinum og Daði Lárusson kom í veg fyrir að Blikar jöfnuðu leikinn fyrir hlé en sumpart má rekja vandræði FH og góða stöðu Blika á vellinum hve erfiðlega Daða gekk að koma boltanum skammlaust frá markinu þegar þess krafðist.

Blikar hófu síðari hálfleikinn eins og þeir luku þeim fyrri, af krafti. Alfreð Finnbogason jafnaði metin eftir rúmlega mínútu leik í hálfleiknum en þessari góðu byrjun á síðari hálfleik náðu gestirnir ekki að fylgja eftir og sköpuðu FH-ingar þau fá færi leiksins sem sáust í síðari hálfleik. Úr einu þeirra skoraði Tryggvi sigurmark leiksins með hægri fæti sem sést ekki á hverjum degi hjá Eyjamanninum örvfætta.

FH-Breiðablik 2-1

1-0 Matthías Guðmundsson ´13

1-1 Alfreð Finnbogason ´47

2-1 Tryggvi Guðmundsson ´53

Kaplakrikavöllur. Áhorfendur: 867

Dómari: Valgeir Valgeirsson 7

Skot (á mark): 14-8 (6-7)

Varið: Daði 6 - Ingvar 4

Aukaspyrnur: 15-13

Horn: 4-1

Rangstöður: 0-5



FH 4-3-3:

Daði Lárusson 6

Guðni Páll Kristjánsson 4

Sverrir Garðarsson 6

Tommy Nielsen 6

Björn Daníel Sverrisson 6

Davíð Þór Viðarsson 7

Matthías Vilhjálmsson 7

Tryggvi Guðmundsson 7

(87. Viktor Örn Guðmundsson -)

Matthías Guðmundsson 5

(70. Atli Viðar Björnsson -)

Alexander Söderlund 5

(79. Dennis Siim -)

*Atli Guðnason 8

Breiðablik 4-5-1:

Ingvar Þór Kale 6

Árni Kristinn Gunnarsson 5

Guðmann Þórisson 6

Kári Ársælsson 6

Arnór Sveinn Aðalsteinsson 6

Finnur Orri Margeirsson 7

Guðmundur Kristjánsson 6

Olgeir Sigurgeirsson 3

(56. Haukur Baldvinsson 5)

Alfreð Finnbogason 7

Guðmundur Pétursson 5

Kristinn Steindórsson 4

(79. Andri Rafn Yeoman -)