Ætlar ekki að segja af sér þingmennsku

15. ágúst 2009 12:53

Margrét Tryggvadóttir, þingmaður Borgarahreyfingarinnar, ætlar ekki að segja af sér þingmennsku vegna umhyggju við Þráin Bertelsson eða stjórnarmenn hreyfingarinnar.

Í gærkvöldi barst tilkynning frá þremur stjórnarmönnum Borgarahreyfingarinnar þar sem skorað var á Margréti að kalla til varamann og íhuga stöðu sína sem þingmaður hreyfingarinnar.

„Ég hef í rauninni ekkert um hana að segja. Þetta eru þrír af átta í bráðabirgðastjórn Borgarahreyfingarinnar. Ég er ekki að fara að segja af mér þingmennsku vegna umhyggju hvorki við Þráin Bertelsson né þessa þrjá,“ segir Margrét innt eftir viðbrögðum við áskoruninni.

„Ég ætla að einbeita mér að klára þetta Icesave mál með viðeigandi hætti með félögum mínum,“ segir Margrét.

Tengdar fréttir

Margrét hefur enn áhyggjur af Þráni

„Mér gekk gott eitt til. Ég hef áhyggjur af Þráni og hef þær enn. Viðbrögð hans við þessu hafa ekki slegið á þessar áhyggjur," segir Margrét Tryggvadóttir þingmaður Borgarahreyfingarinnar.

14. ágúst 2009 11:00

Þráinn segir fyrr frjósa í helvíti en hann gangi í Samfylkinguna

Þráinn Bertelsson þingmaður Borgarahreyfingarinnar segir að fyrr frjósi í Víti heldur en að hann yfirgefi flokkinn og gangi til liðs við Samfylkinguna. Hann segist vona að ósætti innan flokksins leysist svo hann geti starfað áfram. Helga Arnardóttir.

9. ágúst 2009 12:22

Skora á Margréti Tryggvadóttur að kalla inn varamann á þingi

Stjórn Borgarahreyfingarinnar beinir þeim tilmælum til Margrétar Tryggvadóttur að hún kalli til varamann sinn á þingi og íhugi stöðu sína sem þingmaður Borgarahreyfingarinnar.

14. ágúst 2009 23:52

Þráinn segir sig úr þingflokknum

Þráinn Bertelsson hyggst hætta í þingflokki Borgarahreyfingarinnar. Þetta kom fram í hádegisfréttum Ríkisútvarpsins og sagt að von sé á yfirlýsingu frá Þráni vegna málsins.

14. ágúst 2009 12:20

Frí frá þingstörfum hvarfla ekki að Þráni

Þráinn Bertelsson, þingmaður Borgarahreyfingarinnar, segir það ekki hvarfla að sér að taka sér frí frá þingstörfum þó restin af þingflokknum vilji að hann geri það.

13. ágúst 2009 19:08

Lýsir áhyggjum af heilsu Þráins í tölvupósti

Margrét Tryggvadóttir þingmaður Borgarahreyfingarinnar óttast að Þráinn Bertelsson þingmaður í sama flokki sé með alzheimer á byrjunarstigi og að hann hafi snemma í sumar verið að síga inn í þunglyndi. Þetta kemur fram í tölvupósti sem Margrét sendi fyrir mistök á nokkra félagsmenn í Borgarahreyfingunni. Hún ætlaði að senda póstinn á varamann Þráins inni á þingi.

14. ágúst 2009 09:58

Hinir vilja Þráin af þingi

Þrír af fjórum þingmönnum Borgarahreyfingarinnar vilja að fjórði þingmaðurinn, Þráinn Bertelsson taki sér frí frá Alþingi og kalli inn varamann. Þetta kemur fram á heimasíðu hreyfingarinnar, þar sem birt er bréf frá þingmönnunum þremur, sem sent var á stjórnarfund hreyfingarinanr á þriðjudag.

13. ágúst 2009 08:33

Þór Saari og Birgitta taka upp hanskann fyrir Margréti

Þór Saari og Birgitta Jónsdóttir, þingmenn Borgarahreyfingarinnar, koma Margréti Tryggvadóttur samflokkskonu sinni til varnar í fréttatilkynningu sem þau sendu fjölmiðlum í dag.

14. ágúst 2009 15:15