Þráinn segir sig úr þingflokknum

14. ágúst 2009 12:20

Þráinn Bertelsson hyggst hætta í þingflokki Borgarahreyfingarinnar. Þetta kom fram í hádegisfréttum Ríkisútvarpsins og sagt að von sé á yfirlýsingu frá Þráni vegna málsins.

Í bréfi Þráins til Margrétar Tryggvadóttur, sem Margrét birtir á vefsíðu sinni, segist hann hafa gert stjórn Borgarahreyfingarinnar grein fyrir því að annaðhvort segi hann sig úr Borgarahreyfingunni eða stjórnin reki hana úr Borgarahreyfingunni og geri kröfu um að hún segi af þér þingmennsku.

„Ennfremur áskil ég mér allan rétt til að lögsækja þig fyrir róginn fyrir dómstólum ef mér og lögmönnum mínum þykir ástæða til þess, og grípa til allra aðgerða sem ég tel nauðsynlegar til að vernda orðspor mitt og mannorð fyrir hinum "góðviljaða" rógburði þínum," segir Þráinn í bréfinu.

Tengdar fréttir

Þráinn segir fyrr frjósa í helvíti en hann gangi í Samfylkinguna

Þráinn Bertelsson þingmaður Borgarahreyfingarinnar segir að fyrr frjósi í Víti heldur en að hann yfirgefi flokkinn og gangi til liðs við Samfylkinguna. Hann segist vona að ósætti innan flokksins leysist svo hann geti starfað áfram. Helga Arnardóttir.

9. ágúst 2009 12:22

Frí frá þingstörfum hvarfla ekki að Þráni

Þráinn Bertelsson, þingmaður Borgarahreyfingarinnar, segir það ekki hvarfla að sér að taka sér frí frá þingstörfum þó restin af þingflokknum vilji að hann geri það.

13. ágúst 2009 19:08

Lýsir áhyggjum af heilsu Þráins í tölvupósti

Margrét Tryggvadóttir þingmaður Borgarahreyfingarinnar óttast að Þráinn Bertelsson þingmaður í sama flokki sé með alzheimer á byrjunarstigi og að hann hafi snemma í sumar verið að síga inn í þunglyndi. Þetta kemur fram í tölvupósti sem Margrét sendi fyrir mistök á nokkra félagsmenn í Borgarahreyfingunni. Hún ætlaði að senda póstinn á varamann Þráins inni á þingi.

14. ágúst 2009 09:58

Hinir vilja Þráin af þingi

Þrír af fjórum þingmönnum Borgarahreyfingarinnar vilja að fjórði þingmaðurinn, Þráinn Bertelsson taki sér frí frá Alþingi og kalli inn varamann. Þetta kemur fram á heimasíðu hreyfingarinnar, þar sem birt er bréf frá þingmönnunum þremur, sem sent var á stjórnarfund hreyfingarinanr á þriðjudag.

13. ágúst 2009 08:33