Skora á Margréti Tryggvadóttur að kalla inn varamann á þingi

Stjórn Borgarahreyfingarinnar beinir þeim tilmælum til Margrétar Tryggvadóttur, þingmanns hreyfingarinnar, að hún kalli til varamann sinn á þingi og íhugi stöðu sína sem þingmaður Borgarahreyfingarinnar.

Þá átelur stjórnin þau vinnubrögð sem leitt hafa af sér þá umræðu sem nú hefur átt sér stað um starfshætti hreyfingarinnar, að því er segir í yfirlýsingu sem samþykkt var á nýafstöðnum fundi stjórnar Borgarahreyfingarinnar.

Í yfirlýsingunni segir að hreyfingin, stefna hennar og hugsjónir séu hafnar yfir einstakar persónur, og því eigi fólk að axla ábyrgð á gjörðum sínum séu þær þess eðlis að skaða trúverðugleika hreyfingarinnar.

Undir yfirlýsinguna skrifa þrír stjórnarmenn Borgarahreyfingarinnar, en líkt og komið hefur fram í dag hafa einhverjir stjórnarmenn sagt sig úr stjórninni.

Yfirlýsinguna má lesa hér að neðan.