Bentley ekki til City

Ekkert verður af því að David Bentley, leikmaður Tottenham.l fari til Manchester City eins og fréttastofa Sky Sports greindi frá í morgun.

Forráðamenn City hafa nú staðfest að félagið ætli sér ekki að kaupa fleiri leikmenn í sumar enda hefur það eytt 120 milljónum punda í leikmannakaup.

Það var einnig gefið í skyn að Martin Petrov kynni að vera á förum til Tottenham frá City í skiptum.

Bentley er ekki í náðinni hjá Harry Redknapp, stjóra Tottenham, eftir að hann var sviptur ökuréttindum sínum í eitt ár eftir ölvunarakstur.