Torres: Ekki selja Alonso

Framherjinn Fernando Torres hjá Liverpool er hræddur um landi sinn Xabi Alonso fari til Real Madrid ef marka má nýlegt viðtal við kappann í götublaðinu The Sun en hann hvetur þar forráðamenn Liverpool til þess að gera allt til að halda miðjumanninum áfram á Anfield.

„Ég myndi gera allt sem í mínu valdi stæði til þess að halda Alonso því það yrðu alltaf slæm viðskipti að missa leikmann eins og hann. Það yrði gríðarlegt áfall fyrir Liverpool ef hann myndi fara. Ég veit ekki hvað Alonso sjálfur vill gera en ég vona innilega að hann verði áfram með Liverpool," er haft eftir Torres.