Skjaldamerkið í stað KSÍ-merkis á landsliðstreyjurnar

Á vefsamfélaginu Facebook er búið að stofna sérstakan hóp þar sem skorað er á forráðamenn KSÍ að skipta út merki sambandsins á treyjum íslensku landsliðanna fyrir íslenska skjaldamerkið.

Í áraraðir hefur íslenski landsilðsbúningurinn borið merki KSÍ á vinstra brjósti en þeir sem standa fyrir átakinu á Facebook segja að skjaldamerkið væri betur til þess fallið. Þannig segir á heimasíðu hópsins:

„Íslenska landsliðið í knattspyrnu leika í treyjum frá Errea og ganga með merki Ksi (knattspyrnusamband íslands) á vinstra brjósti. Hér liggur áskorun á knattspyrnusambandið að setja sjálft Skjaldamerkið í stað Ksí merkisins þar sem skjaldamerkið er bæði flott og er tákn þjóðarinnar. Búningar Íslenska landsliðsins í núverandi mynd eru ekki nægilega virðulegir og myndi salan aukast ef farið yrði í breytingar. Setjum Skjaldamerkið á treyjurnar og klæðumst bláu í næsta leik með stolti!"

Þeir sem eru með aðgang á Facebook geta skoðað heimasíðu hópsins hér.