Chelsea sagt vera búið að klófesta Sturridge

Samkvæmt heimildum Sky Sports fréttastofunnar hefur enska úrvalsdeildarfélagið Chelsea unnið kapphlaupið um framherjann efnilega Daniel Sturridge sem var orðinn samningslaus hjá Manchester City.

Hinn 19 ára gamli Sturridge neitaði að framlengja við City en talið er að Chelsea verði að borga skaðabætur upp á 5 milljónir punda vegna þess hve ungur leikmaðurinn sé.

Talið er að bæði Aston Villa og West Ham hafi einnig boðið Sturridge samning en hann hafi á endanum valið að spila fyrir Carlo Ancelotti og hans menn á Brúnni.

Sturridge hefur leikið 21 leik með City í efstu deild og skorað fimm mörk frá árinu 2006.