Berbatov lofar að bæta sig

Búlgarinn Dimitar Berbatov hefur lofað að sýna hvað í sér býr í herbúðum Man. Utd. Sir Alex Ferguson, stjóri Man. Utd, hefur sýnt honum mikinn skilning og er duglegur við að lýsa því yfir að hann muni springa ut í vetur.

Upphaf tímabilsins hefur þó ekki verið nein flugeldasýning hjá Búlgaranum og hann á enn eftir að sýna að hann sé 30 milljón punda virði.

„Ég held að þetta ár verði öðruvísi hjá mér. Ég náði að komast í æfingaferðina fyrir tímabilið sem ég missti af í fyrra. Ég veit líka núna hvernig allir í liðinu spila þannig að það verður meiri skilningur á milli okkar," sagði Búlgarinn brattur.

„Svo skemmir ekki fyrir að Sir Alex veit hvernig sé best að nota mig. Það er margir leikir fram undan og ég bíð spenntur eftir þeim öllum svo ég geti skorað og lagt mitt til liðsins."