Meistararnir byrja gegn Birmingham

Búið er að draga í leikjaröð ensku úrvalsdeildarinnar og munu meistarar Manchester United hefja titilvörn sína á heimavelli gegn nýliðum Birmingham.

Chelsea mætir Hull á heimavelli en það verður fyrsti leikur liðsins undir stjórn Carlo Ancelotti. Tímabilið hefst þann 15. ágúst næstkomandi.

Liverpool mætir Tottenham á útivelli í fyrstu umferðinni og Everton tekur á móti Arsenal.

Nýliðar Wolves mæta West Ham á heimavelli og Jóhannes Karl Guðjónsson og félgar í Burnley heimsækja Stoke.

Fyrsti stórleikur tímabilsins verður viðureign Manchester United og Arsenal þann 29. ágúst.

United mætir svo Liverpool 24. október á heimavelli en liðin mætast á Anfield þann 20. mars.