Ebanks-Blake semur við Wolves

Sylvan Ebanks-Blake, leikmaður enska úrvalsdeildarfélagsins Wolves, hefur ákveðið að framlengja samning sinn við félagið til næstu fjögurra ára.

Ebanks-Blake sló í gegn í ensku B-deildinni á nýliðnu tímabili og var markahæsti leikmaður deildarinnar með 25 mörk. Hann hefur skorað alls 37 deildarmörk í leikjum með Wolves síðan hann kom til félagsins frá Plymouth í janúar árið 2008.

Jez Moxey, framkvæmdarstjóri Wolves, sagði að félagið vildi með þessu verðlauna Ebanks-Blake fyrir góða frammistöðu með félaginu undanfarin tvö tímabil.