Fjalar Þorgeirsson þurfti að fara meiddur af velli í hálfleik í leik Fylkis og Stjörnunnar í bikarkeppni karla á fimmtudagskvöldið.
Hann sagði þó meiðslin ekki alvarleg en óvíst hvort hann geti spilað með Fylki gegn Grindavík á morgun.
„Ég var í raun meiddur fyrir leikinn og hefði hugsanlega ekki átt að spila. Ég er víst eitthvað slæmur í festingum sem liggja í kviðarveggnum og þarf bara að hvíla mig til að leyfa þessu að jafna sig. Ég var orðinn slæmur í leiknum gegn Stjörnunni strax í upphafi."
