Netið lamað á Indlandi og í Miðausturlöndum

Internetþjónustan í Miðausturlöndum og á Indlandi hefur verið meir og minna lömuð undanfarna tvo daga.

Ástæðan er sú að tveir sæstrengir sem liggja þvert yfir Miðjarðarhafið eru skaddaðir eða í sundur. Ástandið er sérstaklega slæmt í Epyptalandi þar sem um 60% netnotenda hafa orðið fyrir truflunum og á Indlandi þar sem 70% notenda eru án netsambands þessa stundina.

Talið er að viðgerð á sæstrengjunum taki einhverjar vikur því fyrst þarf að koma viðgerðarskipi á staðinn og síðan finna hvar skaðinn er.