Enski boltinn

Helgin á Englandi - Myndir

Elvar Geir Magnússon skrifar

Það var tíðindamikil helgi í enska boltanum en þar bar helst stórleikur Liverpool og Manchester United.

Þá bauð Emmanuel Adebayor upp á þrennu og Robinho skoraði fyrir Manchester City gegn Chelsea þó það hafi ekki dugað til að ná í stig.

Ljósmyndarar Getty Images voru á öllum leikjunum og með því að smella á myndaalbúmið hér að neðan er hægt að sjá það helsta frá helginni í máli og myndum.

Rafael Benítez og Sir Alex Ferguson takast í hendur eftir að Liverpool vann 2-1 sigur á Manchester United á laugardag. Sir Alex hefur alveg verið hressari.
Ryan Babel sést hér fagna sigurmarkinu gegn United en hann kom inn sem varamaður. Stuðningsmenn Liverpool voru ekki að hata þetta.
Wes Brown og Edwin van der Saar vilja líklega gleyma þessum leik sem fyrst.
Robinho kom Manchester City yfir gegn Chelsea í sínum fyrsta leik fyrir félagið. Það dugði þó skammt því Chelsea skoraði þrívegis áður en leikurinn var úti.
John Terry fékk að líta mjög umdeilt rautt spjald í leiknum gegn City og á yfir höfði sér þriggja leikja bann. Leikmenn Chelsea mótmæltu dómi Headline Halsey kröftuglega.
Gianfranco Zola sá nýju lærisveinana í West Ham tapa fyrir West Bromwich Albion en var óvenju hress. Zola tók formlega við Hömrunum eftir leikinn.
Emmanuel Adebayor skoraði þrennu fyrir Arsenal sem fór illa með Paul Ince og félaga í Blackburn.
Xisco skoraði í sínum fyrsta leik fyrir Newcastle en fékk lítið að fagna þar sem liðið tapaði fyrir Hull 1-2.
Yakubu og Cahill skoruðu báðir fyrir Everton sem vann Stoke.
Defoe var í stuði með Portsmouth og skoraði bæði mörk liðsins í 2-1 sigri á Middlesbrough.
Grétar Rafn Steinsson og félagar í Bolton þurftu að játa sig sigraða gegn Fulham.
Titus Bramble bauð upp á sjálfsmark þegar Wigan og Sunderland gerðu 1-1 jafntefli.
Enski boltinn

Mest lesið


Fleiri fréttir

Sjá meira


×

Mest lesið