Liverpool vill ekkert segja um tilboð í Barry

Enskir fjölmiðlar hafa haldið því fram í morgun að Liverpool hafi gert lokatilraun til að landa Gareth Barry, leikmanni Aston Villa.

Þessu neitar hins vegar talsmaður Liverpool en hann vildi að öðru leiti ekki tjá sig um málið.

Liverpool er sagt hafa gert Aston Villa tilboð upp á fimmtán milljónir punda. Martin O'Neill, stjóri Aston Villa, hefur þó sagt að félagið muni ekki selja Barry nema á uppsettu verði sem er talið vera átján milljónir punda.

Sjálfur vill Barry fara til Liverpool til þess að eiga þess kost að spila í Meistaradeild Evrópu.