Suharto borinn til grafar

Suharto fyrrverandi forseti Indónesíu var jarðsettur í grafhýsi fjölskyldunnar nálægt borginni Solo í morgun. Suharto lést í gær 86 ára að aldri eftir langvinn veikindi. Susilo Bambang Yudhoyono núverandi forseti hafði umsjón með útförinni sem var á vegum yfrivalda.

Við athöfnina var Suharto minnst fyrir að leiða þjóð sína frá fátækt til þróunar á þriggja áratuga ferli sínum í embætti. Ásakanir um spillingu, pólitíska kúgun og alvarleg brot á mannréttindum fylgdu forsetanum.

Hundruð þúsunda grunaðra kommúnista voru drepnir í upphafi ferils hans á sjöunda áratugnum. Honum var bolað frá völdum í fjöldamótmælum árið 1998 og þjáðist af heilsubresti síðustu ár, en það er ástæða þess að hann var aldrei sóttur til saka.