Martins ánægður með Kinnear

Obafemi Martins, leikmaður Newcastle, segist vera afskaplega ánægður með störf Joe Kinnear hjá félaginu og segir að sjálfstraust leikmanna sé mikið.

„Hann gefur manni mikið sjálfstraust," sagði Martins. „Hann blótar mikið og ég er ánægður með það. Honum er bara alveg sama - hann vill bara að við spilum vel og vinnum okkar leiki. Við unnum síðasta leik okkar og ég vil halda áfram á þeirri braut."

Martins segir að hann myndi ekki setja út á ef Kinnear yrði fastráðinn til Newcastle. „Mér finnst hann vera að sinna vinnunni sinni vel. Aðalmálið er að vinna leiki og verðum við leikmenn að hjálpa honum í þeirri baráttu."