Zico spenntur fyrir Newcastle

Brasilíumaðurinn Zico er áhugasamur um að taka við starfi Kevin Keegan hjá Newcastle eftir því sem kemur fram í enskum fjölmiðlum í dag.

Zico þjálfaði síðast Fenerbahce í Tyrklandi en aðilar náðu ekki saman um nýjan samning.

„Ég hefði mikinn áhuga á að taka að mér starfið hjá Newcastle. Ég er vanur því að vinna við hlið manna sem eru titlaðir yfirmenn íþróttamála og er það ekkert vandamál fyrir mig," er haft eftir Zico.

Talið er að ein af ástæðunum fyrir því að Keegan hætti hjá Newcastle er sú að hann náði ekki vel saman við Dennis Wise, yfirmann íþróttamála hja félaginu.