Líkti dómaranum við Mikka mús

Joe Kinnear, settur stjóri Newcastle, vandaði dómaranum ekki kveðjurnar í gær þegar lið hans lá 2-1 fyrir Fulham í ensku úrvalsdeildinni.

Hann var reiður út í Mark Atkinson dómara leiksins ekki aukaspyrnu rétt áður en Fulham var dæmd vítaspyrnan sem réði úrslitum.

"Það var greinilegt brot sem átti sér stað áður en vítaspyrnudómurinn kom en dómarinn sleppti því. Dómarinn Mikki mús gerði ekkert. Hann gerði mistök sem kostuðu okkur. Þessi mistök dómara taka engan enda, en svona er bara staðan á dómgæslunni í landinu," sagði Kinnear.

Ekki er víst að enska knattspyrnusambandið taki vel í þessi ummæli stjórans, sem kom sér í vandræði um daginn fyrir munnsöfnuð á blaðamannafundi.