Réttindi homma og lesbía ógna færeysku stjórninni

Hin nýja stjórn Færeyja hefur ákveðið að leggja í salt umræður um réttindi homma og lesbía á eyjunum. Þetta getur repúblikaninn Funnur Helmsdal ekki sætt sig við og segir að hann muni styðja frumvarp um aukin réttindi homma og lesbía verði slikt lagt fram á þinginu á Færeyjum.

Formaður Miðjuflokksins, Jenis av Rana, segir að fari svo að einhver í samsteypustjórninni greiði atkvæði með auknum réttindum handa hommum og lesbíum sé stjórnin þar með fallin.

Talsmaður Jafnaðarmannaflokksins, John Johannesen, staðfestir það sem Jenis av Rana segir í þessum efnum en fyrrgreindir þrír flokkar mynda samsteypustjórnina með minnsta mögulega meirihluta á þinginu.

Réttindin sem hér um ræðir eru m.a. að hommar og lesbíur geti búið saman í skráðri sambúð og að löggjafinn verndi þau fyrir ofsóknum vegna kynhneigðar þeirra.