Liverpool lengi í gang

Það tók Liverpool 57 mínútur að komast loks í gang gegn Sunderland í lokaleik dagsins í ensku úrvalsdeildinni en liðið vann að lokum 3-0 sigur á heimavelli sínum Anfield.

Það var Peter Crouch sem braut ísinn á 57. mínútu með góðum skalla og Fernando Torres bætti við öðru markinu eftir sendingu frá Crouch. Steven Gerrard innsiglaði svo fyrsta sigur Liverpool í sex deildarleikjum með marki úr vítaspyrnu í lokin. Liverpool komst með sigrinum í fimmta sæti deildarinnar.