Gwen Stefani ólétt

Gwen Stefani er ólétt að öðru barni sínu og eiginmannsins, Gavins Rossdale. Söngkonan, sem er 38 ára, fékk gleðitíðindin staðfest á stjörnuspítalanum Cedars-Sinai í Los Angeles í síðustu viku. Hún er komin ellefu vikur á leið og á að eiga í júlí.Stefani eignaðist soninn Kingston árið 2006. Hún sagði í viðtali á dögunum að hún gæti ekki beðið eftir því að verða ófrísk aftur, það væri svo skemmtilegt og rómantískt.

Stefani tók upp megnið af síðustu plötu sinni, The Sweet Escape, meðan hún var ólétt að Kingston. Ekki er ólíklegt að hún fari í framkvæmdagírinn aftur núna, en þegar hún lauk við Sweet Escape sagði hún að nú væri hún komin í rútínu, vildi bara eignast börn og búa til plötur.