Kínverskir hermenn til aðstoðar veðurtepptu fólki

Kínversk stjórnvöld hafa kallað út hálfa milljón hermanna til að aðstoða fólk sem lent hefur í erfiðleikum sökum mikils vetrarveðurs í landinu.

Veðrið hefur einkum herjað á suðurhluta landsins og er það versta sem komið hefur í 50 ár. Hernum er ætlað að reyna að koma samgöngum á að nýju en þær hafa algerlega lamast, hvort sem um járnbrautarstöðvar, flugvelli eða vegi er að ræða.

Forsætisráðherra Kína hefur beðið þjóðina afsökunnar á ástandinu og lofar að allt verði gert til að koma umferðinni á að nýju.