McCain sigrar í Flórída og tekur afgerandi forystu

Með sigri sínum í Flórída hefur John McCain tekið afgerandi forystu í meðal Repúblikana um hvert verður forsetaefni flokksins í komandi kosningum.

Öldungardeildarþingmaðurinn frá Arizona vann naumann sigur yfir Mitt Romney í Flórída, hlaut 36% atkvæða á móti 31% hjá Romney. Eins eins og McCain orðaði það í nótt, þótt sigurinn væri naumur var hann samt sætur. Og hann bætti því við í ræðu til stuðningsmanna sinna að forkosningunum loknum að nú þyrfti að bretta upp ermarnar fyrir næstu lotu. Þar á hann við "ofurþriðjudaginn" í næstu viku þegar kosið verður samtímis í 24 ríkjum, þar á meðal þeim fjölmennustu í Bandar´rikjunum.

Kosningaúrslitin í Flórída eru áfall fyrir fyrrum borgarstjóra New York, Rudy Guiliani. Hann lagði allt undir í þessum kosningnunm og náði aðeins þriðja sæti með 15% atkvæða. Helstu stefnumál hans voru á sviði þjóðaröryggis og náði sá málflutningur greinilega ekki eyrum kjósenda sem hafa hvað mestar áhyggjur af efnahagslífi landsins þessa dagana. Búist er við að Rudy hætti baráttu sinni í dag og lýsi yfir stuðningi við John McCain.