Obama sigraði með yfirburðum í Suður Karólínu

Barack Obama vann yfirburðasigur í forkosningum bandarískra demokrata í Suður Karolínu í gær. Hann fékk 55 prósent atkvæða en Hillary Clinton 27 prósent og John Edwards 18 prósent. Nú beinast augu manna að forkosningum í 22 fylkjum Bandaríkjanna þriðjudaginn fimmta febrúar.

Þá verður meðal annars kosið í New York og Kaliforníu. Stjórnmálaskýrendur telja að ákvörðun Clinton hjónanna að Bill Clinton tæki að sér að gagnrýna Obama harðlega í Suður Karolínu hafi farið illa í kjósendur.

Þá sýna útgönguspár að Obama fékk atkvæði fjögurra af hverjum fimm blökkumönnum, en Clinton hjónin hafa löngum notið mikils fylgis meðal blökkumanna.