Chavez hótar bændum og bönkum þjóðnýtingu

Hinn litríki forseti Venesúela er aftur kominn í sviðsljós fjölmiðla. Að þessu sinni eru það deilur sem hann á í við bændur og banka landsins

Chavez hótar nú bæði bændum og bönkum að hann muni þjóðnýta hvorttveggja. Ástæðan er sú að bændur og bankar fara ekki eftir opinberum tilskipunum um verð á landbúnaðarvörum eða því hvaða vexti eigi að greiða af lánum.

Hið opinbera verð á landbúnaðarvörum á að tryggja það að jafnvel hinn fátælasti þegn landsins geti keypt sér í matinn. Vandamálið er bara að hvorki bændur né kaupmenn bændur hafa áhuga á að selja þessu verði þar sem báðir segjast stórtapa á því.

Bændurnir vilja frekar fara með vörur sínar yfir landamærin til Kólombíu þar sem þeir fá markaðsverð fyrir þær og þar að auki greitt í dollurum. Chavez hefur sérstaklega beint sjónum sínum að landamæraversluninni og segir að það séu hreinlega föðurlandssvik þegar mjólk frá Venesúela er seld í Kolombíu. Lítur hann málið svo alvarlegum augum að hann hefur skipað hernum að koma í veg fyrir þessa verslun.

Hvað bankana varðar hafa þeir látið frá sér fara að það sé lítil skynsemi í bankastarfsemi ef vextir mega ekki halda í verðbólguna í landinu.