Lýsa yfir stuðningi við Páfa

Þúsundir manna söfnuðust saman á Péturstorginu í Róm í dag til að lýsa yfir stuðningi við Benedict Páfa.

Í síðustu viku þurfti Páfi að aflýsa fyrirhuguðum fyrirlestri í La Sapienza háskólanum í Róm vegna mótmæla námsmanna gegn því sem þeir kölluðu ævaforn viðhorf páfagarðs til vísinda.

Mótmælin vöktu mikla athygli á Ítalíu og hafa jafnvel hörðustu andstæðingar Páfans sakað námsmennina um tilraun til ritskoðunar. Páfi var að vonum ánægður með þann stuðning sem honum var sýndur í dag og þakkaði hann mannfjöldanum sérstaklega fyrir.