Magni verður án Birgittu í úrslitum

Rokkstjarnan Magni Ásgeirsson mun stíga einn á svið í fyrsta úrslitaþætti Laugardagslaganna um næstu helgi. Lagið sem Magni flytur heitir Núna veit ég og er eftir Hafdísi Huld Þrastardóttur en í fyrstu umferð keppninnar flutti hann lagið sem dúet með Birgittu Haukdal.

Ástæðan fyrir breytingunum er sú að Birgitta er stödd erlendis um þessar mundir og getur því ekki verið með um helgina.

Í tilkynningu kemur fram að Hafdís Huld hafi gert töluverðar breytingar á úsetningu lagsinns sem nú hljómi mun rokkaðra og hæfi rödd Magna enn betur en áður.