Saudi Arabía tekur vel í að auka olíuframleiðslu

George Bush Bandaríkjaforseti vonast til þess að fundur hans með Abdullah, konungi Saudi Arabíu leiði til þess að samtök olíuframleiðsluríkja auki framleiðslu sína.

Það myndi leiða til lækkunar á olíuverði sem hefur verið í hæstu hæðum undanfarnar vikur.

Talsmaður Hvíta hússins sagði við frétamenn að konungur hefði lýst skilningi á því að hátt verð á olíu hefði neikvæð áhrif á hagvöxt um allan heim.

Opec ríkin hafa raunar sagt að hið háa olíuverð sé ekki vegna of lítillar framleiðslu.

Enginn olíuskortur sé í heiminum. Hinsvegar séu olíuhreinsunarstöðvar of fáar og hafi ekki undan að hreinsa þá olíu sem framleidd er.