Tvö barnslík fundin undir brúnni í Alabama

Búið er að finna lík tveggja af fjórum börnum sem talið er að faðir hafi fleygt fram af brú í Alabama í Bandaríkjunum.

Faðir barnanna Lam Luong viðurkenndi að hafa fleygt börnunum fram af Dauphin Island brúnni, eftir rifrildi við móður þeirraí síðustu viku.

Börnin voru á aldrinum eins mánaðar til þriggja ára.

Brúin er í um 30 metra hæð yfir sjávarmáli. Lam dró síðar játningu sína til baka.

Lögreglan hefur hinsvegar sjónvarvotta sem sáu Lam fara út á brúna með börnin og snúa aftur án þeirra. Hún er því ekki í nokkrum vafa um að hann hafi myrt þau.

Lam er rækjuveiðimaður sem kom til Bandaríkjanna frá Vietnam árið 1984.

Hann hefur áður komist í kast við lögin vegna vörslu fíkniefna, og bíður dóms í einu slíku máli.