Suharto við dauðans dyr

Heilsu Suharto fyrrverandi forseta Indónesíu hrakar nú ört. Í tilkynningu sem birt var fyrir stundu segir að forsetinn fyrrverandi hafi nú misst meðvitund og eigi erfitt með andardrátt.

Suharto var fluttur með hraði á sjúkrahús í Jakarta höfuðborg Indónesíu í síðustu viku með hjarta- og nýrnavandamál sem ullu blóðleysi og lágum blóðþrýstingi.

Jusuf Kalla forsætisráðherra landsins er kominn á sjúkrahúsið. Hann mun vera opinbert vitni að dauða Suharto, samkvæmt því sem heimildarmaður hans sagði Reuters fréttastofunni.

Suharto er 86 ára og komst til valda árið 1966. Hann stjórnaði Indónesíu með harðri hendi í 32 ár. Hann og fjölskylda hans neita fréttum af því að hann hafi stolið milljörðum dollara á meðan hann var við völd.