Guthrie biður Fagan afsökunar

Danny Guthrie, leikmaður Newcastle, hefur beðið Craig Fagan hjá Hull afsökunar á að hafa fótbrotið hann um helgina. Guthrie fékk brottvísun fyrir hættulega tæklingu sína.

Fagan verður frá í um þrjá mánuði vegna tæklingar Guthrie. Á heimasíðu Newcastle segist Guthrie miður sín eftir að hafa heyrt tíðindin.

„Félagið hefur verið í sambandi við Hull City fyrir mig. Ég hef beðið um að fá að tala við Craig til að biðja hann afsökunar persónulega og óska honum góðs bata," sagði Guthrie.

„Þessi tækling var mjög heimskuleg. Ég missti stjórn á mér en þeir sem þekkja mig vita að þetta er ekki líkt mér," sagði þessi fyrrum leikmaður Liverpool.