114 þúsund manns horfðu á Mannaveiðar

Íslenska spennuþáttaröðin Mannaveiðar voru vinsælasta sjónvarpsefnið í síðustu viku, en um 114 þúsund manns á aldrinum 12-80 ára horfðu á þáttinn. Næst á eftir Mannaveiðum kom Spaugstofan en 102 þúsund manns horfðu á þann þátt, ef marka má fjölmiðlakönnun Gallup.

Fréttir voru vinsælasta dagskrárefnið á Stöð 2 í síðustu viku, en um 47 þúsund manns á aldrinum 12-80 ára horfðu á þær. Næst á eftir kom Sjálfstætt fólk, en 41 þúsund manns horfðu á þann þátt.

Vinsælasta dagskrárefni Skjás eins var Svalbarði. Þrjátíu og níu þúsund manns á aldrinum 12 - 80 ára horfðu á þann þátt.

Sextíu og fimm þúsund manns á aldrinum 12-80 ára horfðu á fréttir Ríkissjónvarpsins í síðustu viku.