Zuberbuhler til Fulham

Það verður hörð barátta um markmannsstöðuna hjá Fulham á komandi tímabili. Liðið hefur samið við svissneska markvörðinn Pascal Zuberbuhler til eins árs.

Þessi 37 ára leikmaður er þriðji markvörðurinn sem Fulham fær í sumar, hann fylgir á eftir Mark Schwarzer og David Stockdale. Zuberbuhler á 51 landsleik að baki fyrir Sviss en hann lék í marki liðsins í einum leik á Evrópumótinu í sumar.

Zuberbuhler segist vita að Mark Schwarzer sé aðalmarkvörður en ætlar að gera allt sem hann getur til að veita honum harða samkeppni um stöðuna.