Mikill eldsvoði rústaði Camden markaðinum í London

Loka þurfti stórum hluta af hinum sögufræga Camden markaði í London í gærkvöldi eftir að mikill eldsvoði braust þar út.

Um 100 slökkviliðsmenn börðust við eldinn og lauk slökkvistarfinu ekki fyrr en snemma í morgun. Fólki úr nærliggjandi íbúðum var flutt á brott og komið fyrir á hótelum eða í neyðarskýlum. Ekki er vitað til að neinn hafi slasast.

Rannsókn á tildrögum eldsvoðans er hafin en samkvæmt frétt í BBC er enn of snemmt að segja hvað olli honum.

Camden er meðal vinsælustu útimarkaða í London og þangað koma um 300.000 manns á hverjum degi.