Leitað að tilnefningum til Vefverðlauna 2007

Samtök vefiðnaðarins hafa opnað fyrir tilnefningar til Vefverðlaunanna 2007 sem fara munu fram í byrjun febrúar 2008. Hægt er að tilnefna vefi á á heimasíðu samtakanna svef.is

Veitt verða verðlaun fyrir besta sölu og þjónustuvefinn, besta fyrirtækjavefinn, besta vefinn í almannaþjónustu, besta afþreyingarvefinn, besta útlit og viðmót og besta einstaklingsvefinn. Hægt er að tilnefna vefsíðu í einum flokki eða fleirum. Að auki verða veitt verðlaun fyrir björtustu vonina og besta íslenska vefinn. Ekki er tekið við tilnefningum í þá heldur velur dómnegfnd vefi úr hinum flokkunum sem þykja skara fram úr.

Frestur til að tilnefna síður rennur út átjánda janúar, en þá tekur dómnefnd við og velur fimm vefsíður í hvern flokk. Viku síðar hefst svo valið á sigurvegara hvers flokks. Sigurvegararnir verða tilkynntir á Vefverðlaununum 2007, sem fara fram í byrjun febrúar.

Í fyrra vann Midi.is fyrir besta útlit og viðmót og besta þjónustuvefinn. Baggalútur.is var valinn besti afþreyingarvegurinn, Icelandair.is besti fyrirtækjavefurinn og besti einstaklingsvefurinn þótti vera icomfromreykjavik.com.