Frings ekki valinn í þýska landsliðið

Torsten Frings var ekki valinn í þýska landsliðið sem mætir Englandi í vináttulandsleik á miðvikudaginn kemur.

Frings gagnrýndi Joachim Löw landsliðsþjálfara eftir að hann var settur út úr byrjunarliðinu í tveimur síðustu landsleikjum Þýskalands. Þeir hittust svo í síðustu viku eftir að Frings baðst afsökunar á ummælum sínum.

Þýska knattspyrnusambandið sagði að það hefði verið fyrirfram ákveðið að Frings yrði ekki valinn í landsliðið fyrir þennan leik og að hann hafi vitað af því.

Michael Ballack gagnrýndi Löw einnig fyrir framkomu hans gagnvart Frings en hann hefur einnig beðist afsökunar á þeim ummælum. Hann á við meiðsli að stríða og verður ekki með af þeim sökum.

Fleiri fastamenn eru fjarverandi, svo sem Marcell Jensen, Christian Pander, Philipp Lahm og Clemens Fritz.

Landsliðshópur Þjóðverja:

Markverðir:

Rene Adler (Bayer Leverkusen)

Tim Wiese (Werder Bremen)

Varnarmenn:

Marvin Compper (Hoffenheim)

Arne Friedrich (Hertha Berlin)

Andreas Hinkel (Celtic)

Per Mertesacker (Werder Bremen)

Marcel Schäfer (Wolfsburg)

Serdar Tasci (Stuttgart)

Heiko Westermann (Schalke)

Miðvallarleikmenn:

Thomas Hitzlsperger (Stuttgart)

Jermaine Jones (Schalke)

Marko Marin (Borussia Mönchengladbach)

Simon Rolfes (Bayer Leverkusen)

Bastian Schweinsteiger (Bayern München)

Piotr Trochowski (Hamburg)

Tobias Weis (Hoffenheim)

Framherjar:

Mario Gomez (Stuttgart)

Patrick Helmes (Bayer Leverkusen)

Miroslav Klose (Bayern München)

Lukas Podolski (Bayern München)