Fjölmiðlar fylgjast grannt með ferðum Keely Shaye Smith, 44 ára, og leikaranum Pierce Brosnan, 55 ára, sem eru stödd á Hawaii. Þeir halda því fram að Keely eigi í stöðugri baráttu við aukakílóin.

Pierce hefur að eigin sögn miklar áhyggjur af þyngd sinni því hann segist vera spikfeitur í söngvamyndinni Mamma Mia.

Pierce er staðráðinn í að losa sig við aukakílóin áður en að hann tekur að sér aðalhlutverkið í mynd Pauls Verhoeven, The Thomas Crown Affair 2, sem er sjálfstætt framhald hinnar geysivinsælu spennumyndar Thomas Crown Affair sem kom út árið 1999.

Angelina Jolie er sögð í lokaviðræðum um að taka að sér aðalkvenhlutverkið í myndinni sem Rene Russo lék í þeirri fyrri. Pierce segir mikilvægt að persóna hans fái að spreyta sig á því að heilla nýja konu í myndinni, í góðu líkamlegu formi.