Íslenski boltinn

„Ég er einn öflugasti málsvari íslenskrar knattspyrnu“

Eiríkur Stefán Ásgeirsson skrifar
Guðjón Þórðarson, þjálfari ÍA.
Guðjón Þórðarson, þjálfari ÍA.

„Ég er hissa en samt ekki hissa," sagði Guðjón Þórðarson í samtali við Vísi eftir að ljóst varð að hann var dæmdur í eins leiks bann af Aga- og úrskurðarnefnd KSÍ.

Aðspurður hvort hann telji sig hafa skaðað ímynd íslenskrar knattspyrnu með ummælum sínum eins og fram kemur í dómi nefndarinnar þvertekur Guðjón fyrir það.

„Ég er einn besti og öflugasti málsvari íslenskrar knattspyrnu," sagði Guðjón og bætti því við að hann sjái ekki eftir einasta orði sem hann lét falla.

Bannið fékk hann fyrir ummæli sem hann lét falla eftir leik Keflavíkur og ÍA í fjórðu umferð en Guðjón er þjálfari síðarnefnda liðsins. Sakaði hann dómara leiksins, Ólaf Ragnarsson, um að hafa beitt Stefán Þórðarson leikmann ÍA ofbeldi með því að sýna honum rauða spjaldið. Einnig sagði hann að dómarar hefðu fundað sérstaklega um hvernig ætti að taka á ÍA og þá sérstaklega Stefáni.

Lesendur Vísis geta svarað því til sjálfir hvort þeir telja að Guðjón hafi skaðað ímynd íslenskrar knattspyrnu með því að svara spurningunni hér vinstra megin á síðunni.

Pepsi Max-deild karla

Tengdar fréttir

Stefán Þór: Ég fór í boltann

Stefán Þór Þórðarson segir engan vafa leika á því að hann hafi farið í boltann þegar hann fékk síðara gula spjaldið sitt í leik ÍA og Keflavíkur í gær.

ÍA áfrýjaði rauða spjaldi Stefáns

ÍA hefur áfrýjað rauða spjaldinu sem Stefán Þór Þórðarson fékk í leik Keflavíkur og ÍA á sunnudagskvöldið. Þetta staðfesti Gísli Gíslason, formaður meistaraflokksráðs karla hjá ÍA.

Guðjón í eins leiks bann

Guðjón Þórðarson hefur verið dæmdur í eins leiks bann af aga- og úrskurðarnefnd KSÍ.

Aganefnd frestar úrskurði

Aganefnd KSÍ frestaði nú síðdegis að kveða upp úrskurð í máli Guðjóns Þórðarsonar þjálfara Skagamanna fyrir meint óviðeigandi ummæli í þættinum Landsbankamörkunum á Stöð 2 Sport í síðustu viku.

Átti Stefán spjöldin skilið? (myndband)

Stefán Þórðarson fékk tvívegis að líta gula spjaldið í leik Keflavíkur og ÍA í gær og þar með það rauða, Skagamönnum til mikillar gremju.

Guðjón stendur við ummæli sín

Guðjón Þórðarson sagði í samtali við Vísi að hann standi heilshugar við þau ummæli sem hann lét falla eftir leik Keflavíkur og ÍA í gær.

Skiptar skoðanir um brottvísun Stefáns

Mikill fjöldi lesenda Vísis tók þátt í könnun þar sem spurt var hvort að Stefán Þórðarson, leikmaður ÍA, átti skilið að fá rauða spjaldið í leik gegn Keflavík á sunnudagskvöldið.

Skiptar skoðanir um Guðjón

Lesendur Vísis skiptast í nánast tvo nákvæmlega stóra hópa í afstöðu sinni gagnvart því hvort að Guðjón Þórðarson eigi að verða dæmdur í leikbann fyrir ummæli sín eftir leik Keflavíkur og ÍA.

Ólafur: Guðjón er að bulla

Ólafur Ragnarsson dómari segir ekkert hæft í ásökunum Guðjóns Þórðarsonar í sinn garð né heldur annarra dómara.

Guðjón: Þeirra er skömmin (myndband)

Guðjón Þórðarson, þjálfari ÍA, var ómyrkur í máli gagnvart Ólafi Ragnarssyni dómara og forystumönnum KSÍ í viðtali við Stöð 2 Sport í gær.

Þórir: Málið í aganefnd

Þórir Hákonarson, framkvæmdarstjóri KSÍ, mun skjóta ummælum Guðjóns Þórðarsonar til aga- og úrskurðarnefndar KSÍ.

Mest lesið


Fleiri fréttir

Sjá meira


×

Mest lesið