Íslenski boltinn

Guðjón í eins leiks bann

Eiríkur Stefán Ásgeirsson skrifar
Guðjón Þórðarson, þjálfari ÍA.
Guðjón Þórðarson, þjálfari ÍA.

Guðjón Þórðarson hefur verið dæmdur í eins leiks bann af aga- og úrskurðarnefnd KSÍ.

Fram kemur á heimasíðu KSÍ að knattspyrnudeild ÍA sé enn fremur dæmd til að greiða 20 þúsund krónur í sekt vegna málsins. Hámarkssekt í máli sem þessu er 50 þúsund krónur.

Guðjón verður samkvæmt þessu í banni þegar að HK tekur á móti ÍA á sunnudaginn klukkan 14.00.

Þórir Hákonarson, framkvæmdarstjóri KSÍ, ákvað að skjóta ummælum Guðjóns, sem hann lét falla í viðtali við Stöð 2 Sport eftir leik Keflavíkur og ÍA í fjórðu umferð, til nefndarinnar.

Guðjón sagði að Ólafur Ragnarsson, dómari leiksins, hefði beitt Stefán Þórðarson leikmann ÍA ofbeldi með því að gefa honum rautt spjald í leiknum. Einnig sakaði hann dómara um að hafa fundað um hvernig ætti að taka á ÍA, þá sérstaklega Stefáni.

Vísir fjallaði ítarlega um málið í síðustu viku og má lesa þær fréttir hér að neðan. Þar má einnig finna umrætt viðtal við Guðjón sem og upptökur af atvikunum sem Stefán var áminntur fyrir í leiknum.

Pepsi Max-deild karla

Tengdar fréttir

Stefán Þór: Ég fór í boltann

Stefán Þór Þórðarson segir engan vafa leika á því að hann hafi farið í boltann þegar hann fékk síðara gula spjaldið sitt í leik ÍA og Keflavíkur í gær.

ÍA áfrýjaði rauða spjaldi Stefáns

ÍA hefur áfrýjað rauða spjaldinu sem Stefán Þór Þórðarson fékk í leik Keflavíkur og ÍA á sunnudagskvöldið. Þetta staðfesti Gísli Gíslason, formaður meistaraflokksráðs karla hjá ÍA.

Aganefnd frestar úrskurði

Aganefnd KSÍ frestaði nú síðdegis að kveða upp úrskurð í máli Guðjóns Þórðarsonar þjálfara Skagamanna fyrir meint óviðeigandi ummæli í þættinum Landsbankamörkunum á Stöð 2 Sport í síðustu viku.

Átti Stefán spjöldin skilið? (myndband)

Stefán Þórðarson fékk tvívegis að líta gula spjaldið í leik Keflavíkur og ÍA í gær og þar með það rauða, Skagamönnum til mikillar gremju.

Guðjón stendur við ummæli sín

Guðjón Þórðarson sagði í samtali við Vísi að hann standi heilshugar við þau ummæli sem hann lét falla eftir leik Keflavíkur og ÍA í gær.

Skiptar skoðanir um brottvísun Stefáns

Mikill fjöldi lesenda Vísis tók þátt í könnun þar sem spurt var hvort að Stefán Þórðarson, leikmaður ÍA, átti skilið að fá rauða spjaldið í leik gegn Keflavík á sunnudagskvöldið.

Ólafur: Guðjón er að bulla

Ólafur Ragnarsson dómari segir ekkert hæft í ásökunum Guðjóns Þórðarsonar í sinn garð né heldur annarra dómara.

Guðjón: Þeirra er skömmin (myndband)

Guðjón Þórðarson, þjálfari ÍA, var ómyrkur í máli gagnvart Ólafi Ragnarssyni dómara og forystumönnum KSÍ í viðtali við Stöð 2 Sport í gær.

Þórir: Málið í aganefnd

Þórir Hákonarson, framkvæmdarstjóri KSÍ, mun skjóta ummælum Guðjóns Þórðarsonar til aga- og úrskurðarnefndar KSÍ.

Mest lesið


Fleiri fréttir

Sjá meira


×

Mest lesið