Sea Shepherd-liðum fagnað eftir mótmæli á hvalveiðum

Skipið Steve Irwin, nefnt eftir ástralska dýravininum, sigldi inn í höfnina í Melbourne í morgun. Sea Shepherd menn eru búnir að elta uppi og áreita japanska hvalveiðiflotann í suðurhöfum undanfarna daga. Paul Watson skipstjóri og leiðtogi samtakanna stóð fyrir spellvirkjum á hvalveiðibátum í Reykjavíkurhöfn fyrir rúmum tuttugu árum. Í dag var honum hins vegar fagnað sem hetju í Ástralíu.

Lögregla hyggst yfirheira skipverja til að kanna hvort þeir hafi hegðað sér ólöglega við aðgerðirnar í suðurhöfum. Skip Greenpeace samtakanna sem einnig fylgdi japanska hvalveiðiflotanum er á leið til hafnar í Hobart í Ástralíu á morgun. Greenpeace menn létu sér nægja að fylgja hvalveiðiskipunum eftir en reyndu ekki að komast um borð eins og men Watsons gerðu. Hann vonast til að komast aftur út, eftir viðgerðir á skipinu sem verður eftir 10 daga.