Dagur Múrmelsdýrsins í dag

Frægasta múrmeldýr Bandaríkjanna, Punxsutawney Phil, kom út úr greni sínu í morgun og lýsti því yfir að vetri myndi ljúka eftir sex vikur. Múrmeldýrið sá skugga sinn stuttu fyrir klukkan hálf átta í morgun að staðartíma, eða rétt fyrir klukkan hálf eitt í dag að íslenskum tíma.

Nagdýrinu var fagnað af meira en 30 þúsund manns allt frá Alaska til Texas. Langflestir komu saman í miðhluta Punxsutawney-bæjar í Pennsylvaníu þar sem saga þessarar uppákomu telur 122 ár aftur í tímann.

Dýrið var tekið úr trjástúfi á Gobbler´s Knob hæðinni þar sem það afhenti William Cooper spásögn sína. Cooper er að sögn skipuleggjenda eini maðurinn í heiminum sem skilur múrmelísku.

Samkvæmt hefðinni verður vetur ríkjandi í sex vikur frá degi múrmeldýrsins ef það sér skugga sinn. Ef það sér skuggann ekki, kemur vorið snemma.