Friedel kominn í Aston Villa

Bandaríski markvörðurinn Brad Friedel er genginn til Aston Villa frá Blackburn. Kaupverðið er talið vera 2 milljónir punda en Friedel er 37 ára gamall.

Rovers ákvað að selja Friedel eftir að hafa tryggt sér Paul Robinson frá Tottenham í hans stað. Friedel var einn besti leikmaður Blackburn á síðasta tímabili en hann lék alls 287 leiki fyrir félagið.

Friedel mun berjast um markmannsstöðuna hjá Villa við landa sinn, Brad Guzan, sem gekk til liðs við Villa fyrr í sumar.