Ég vissi ekki að ég væri 22 milljarða virði

Cristiano Ronaldo hjá Manchester United hefur útilokað að hann muni ganga í raðir grannliðsins Manchester City. Hann svaraði orðrómi þess efnis að City væri að undirbúa 22 milljarða króna kauptilboð í hann í janúar.

City hefur verið orðað við flesta af bestu knattspyrnumönnum heims eftir að moldríkir eigendur tóku yfir félagið á dögunum, en Ronaldo segir af og frá að skipta um lið í Manchester.

"Það er ekki möguleiki að ég klæðist treyju annars liðs í Manchester. Ég vissi ekki að ég væri 22 milljarða virði," sagði Ronaldo í samtali við Sun.