Malbranque í læknisskoðun hjá Sunderland

Franski miðjumaðurinn Steed Malbranque er nú að gangast undir læknisskoðun hjá Sunderland og gæti því fljótlega orðið þriðji Tottenham leikmaðurinn til að ganga í raðir Sunderland. Þá hefur David Bentley hjá Blackburn staðist læknisskoðun hjá Tottenham og verður væntanlega keyptur til Lundúna fyrir helgi.

Sunderland er í viðræðum við fjórða Tottenham leikmanninn en það er varnarmaðurinn ungi Younes Kaboul. Talið er að hann muni fljótlega ganga í raðir Sunderland.