Fyrsta verkefni Ince að halda helstu mönnum

Paul Ince segir að hans fyrsta verkefni sem knattspyrnustjóri Blackburn verði að reyna að halda bestu leikmönnum liðsins. Hann ætlar að reyna að sannfæra David Bentley og Roque Santa Cruz um að vera áfram.

Bentley hefur gefið það út að hann vilji fara til stærra félags og Santa Cruz er eftirsóttur af stórliðum. Ince ætlar að spenna bogann hátt og setja stór markmið sem hann vill kynna fyrir þessum mönnum.

„Við höfum lið sem á að vera að berjast í efri hlutanum. Mark Hughes hefur unnið frábært starf og nú er komið að mér að taka við keflinu og reyna að stíga næsta skref," segir Ince. Hann mun fá einhverja peninga til að styrkja liðið í sumar.