Hull hefur staðfest að félagið sé búið að kaupa varnarmanninn Anthony Gardner frá Tottenham á 2,5 milljónir punda. Þessi 27 ára miðvörður kom upphaflega til Hull á lánssamningi.
Gardner hefur skrifað undir þriggja ára samning við Hull og verður í leikmannahópi liðsins gegn Fulham í ensku úrvalsdeildinni á laugardag.
Hull fékk í dag einnig sóknarmanninn Marlon King á lánssamningi frá Wigan út tímabilið.
