Zaki settur í fjölmiðlabann

Steve Bruce, stjóri Wigan í ensku úrvalsdeildinni, hefur brugðið á það ráð að setja framherjann Amr Zaki í fjölmiðlabann.

Þetta gerir hann vegna þeirrar gríðarlegu ásóknar fjölmiðla í þessa nýjustu stjörnu í ensku úrvalsdeildinni.

Zaki er á lánssamningi hjá Wigan frá El Zamalek í heimalandi sínu Egyptalandi og skoraði sjö mörk í fyrstu átta leikjum sínum með Wigan.

"Ég hef aldrei vitað annað eins. Allir vilja hann - allir vilja kaupa hann. Það er ekki mikið af leikmönnum frá Egyptalandi og hann er því orðin goðsögn. Ég verð að loka á hann því þetta er allt of mikið og athyglin er farin að hafa neikvæð áhrif á hann. Hvern einasta dag er nýtt tökulið eða blað sem vill ná tali af honum. Það er kominn sirkus í kring um hann og við verðum bara að skrúfa fyrir þetta," sagði Steve Bruce.

Bruce harmar að hafa ekki keypt Zaki

Tíu hlutir sem þú þarft að vita um Amr Zaki