Burnley vann Reading

Fjöldi leikja voru í ensku 1. deildinni í kvöld, Coca Cola deildinni. Augu Íslendinga beindust að viðureign Burnley og Reading en hann endaði með 1-0 sigri Burnley.

Robbie Blake skoraði eina mark leiksins þegar tíu mínútur voru til leiksloka. Ívar Ingimarsson lék allan leikinn með Reading og Jóhannes Karl Guðjónsson allan leikinn með Burnley.

Reading er í 4. sæti deildarinnar, stigi á undan Burnley sem komst upp í 5. sætið með sigrinum í kvöld. Aron Einar Gunnarsson lék allan leikinn með Coventry sem gerði 1-1 jafntefli við Southampton. Coventry situr í 16. sæti.

Wolves komst í efsta sæti deildarinnar í kvöld, er stigi á undan Birmingham sem situr í öðru sæti. Hér að neðan má sjá öll úrslit kvöldsins.

Bristol C - Sheff Utd 0-0

Burnley - Reading 1-0

Cardiff - Blackpool 2-0

Derby - Norwich 3-1

Doncaster - Barnsley 0-1

Ipswich - Charlton 1-1

Preston - Watford 2-0

Sheff Wed - Plymouth 0-1

Southampton - Coventry 1-1

Wolves - Swansea 2-1

Crystal - Palace - Nott Forest 1-2

QPR - Birmingham 1-0